مبدئيًا أشكر الله تعالى أن جعلني أحصل على الكورس ثم أشكر حضرتك يا دكتور على هذا الكورس الأكثر من رائع. منذ كان عمري 17 سنة (فترة الثانوية العامة ) إلى أن تزوجت في سبتمبر 2016 وأنا أعاني من تعب شديد جدًا (اغماءات متكررة بصورة غير طبيعية أثرت على حياتي وعلى دراستي) تقريبًا مفيش دكتور مروحتلوش ومفيش حد في العيلة ولا الجيران ولا الجامعة معرفش إني عيانة لدرجة خلاص اتعرفت باسم رحمة العيانة 🙂 مع العلم مكنش عندي مرض عضوي يذكر (يعني أنيميا مثلا أو ضغط بيوطى وباخدله علاج مش بيأثر) أنه يسببلي التعب بالشكل ده طوال ست سنين إلا أن طبعًا محدش رضي يوديني لدكتور نفسي (على أساس أنهم هيدخلوني في متاهات) وبدأ الناس تدخل وتقول محسودة هاتولها شيخ أحسن 🙂 (لأني حصلت في الثانوية العامة على مجموع 98% ودخلت كلية الألسن قسم اللغة الانجليزية بكامل إرادتي وكنت أعلى واحدة في عيلتي وفي جيراني كلهم) طبعا عشت بالفعل ست سنين من أسوأ ما عشته في حياتي بسبب اني محسودة والحسد هو السبب في كل الي أنا فيه بقيت بتعذب بمعنى الكلمة لحد ما خلصت الكلية ودي كانت فعلا “معجزة” لأني قررت إني عمري ما هستسلم ولا هحول كلية أسهل ولا هسمح إني أعيد سنة واحدة حتى وتتحسب من عمري والحمد لله خلصت بعد عناااء طويييل. ثم بدأت أسمع حلقات لحضرتك وندوات وبعدين حضرت الكورس عرض مرئي في إبريل 2017 وغير مفهومي تماما عن الحسد وبدأ تأثيره بإرادتي يختفي من حياتي وأيقنت فعلا إن إيماني بربنا كان ضعيف علشان كدة كانت حياتي متدمرة بالشكل ده وبفضل الله تأثيره تقريبا تلاشى من حياتي وأعيش حياتي بحرية الآن شاكرة لله على نعمه التي لا تعد ولا تحصى ولسة بشتغل أكثر وأكثر عشان أنهيه تمامًا إلى الأبد. ثاني أهم تأثير للكورس بعد موضوع الحسد .. إني بعد ما اتخرجت واتجوزت كنت بدور على شغل في المدارس وسبحان الله كانت بتتقفل جدًا معايا .. لحد ما حضرت الكورس وافتكرت إني أصلًا دخلت كليتي علشان أكون مترجمة مش مدرسة وبالفعل ظهر قدامي فرص تدريب كتير للترجمة وبدأت أتدرب وأقوي نفسي فيها .. إلى أن اشتريت الكورس أون لاين في أكتوبر 2017 وسمعته وطبقته بوعي أكثر وأصبح لي شغل حر كمترجة الآن (لأني دائمًا أفضل الشغل الحر) وأصبحت أحقق دخل بسيط جدًا في البداية وقررت أشتري الكورس بفلوسي (قبل ما أحقق دخل حقيقي من الشغل) (طبعا مُخفض) وبدأ دخلي يزيد والفرص تتوفر قدامي الحمد لله بصورة أكبر إلى أن اشتريت كورس تطبيقات الجذب في نوفمبر 2017 بفلوس شغلي بجد (ولكنها كانت لا تزال بسيطة فاشتريته بالتخفيض) وكنت في قمة السعادة وقتها والآن لو حضرتك عملت كورس مخفض في السعر أنا لن أحتاج للتخفيض ثانيةً (لأن دخلي أصبح أعلى من مستوى التخفيض) وهذا من فضل الله عليّ. من أروع تطبيقات الكورس هو الشعور بالحرية المالية بمعنى إني كنت زي ناس كتير بتأثر بارتفاع الأسعار وأن الدنيا صعبة والكلام ده وكنت متجوزة واحنا علينا ديون كتير وكنت بحاول أعمل زي ما علمونا إني أحسب مصاريفنا في الشهر بالورقة والقلم وإني كدة هبقى شاطرة وجدعة وبدبر وبمشّي البيت لكن حصل العكس إن والله كان أسوأ شهرين تقريبًا عدوا علينا لما كنت بحسبها كدة وأروح أشتري حاجة أضايق من الأسعار وحرام ومش حرام لحد ما حضرت الكورس (وقبله ندوة الغنى والرزق الرائعة) وبطلت أحسبها وفهمت فعلا معنى آية (إن الله يرزق من يشاء بغير حساب) ومن ساعتها ولا فارق معايا أسعار ولا أي حاجة أنا فاهمة إن ربنا هو الي بيرزقني ودلوقتي الحمد لله سددت ديونا بالكامل بمنتهى البساطة وبنسافر وبنخرج وبنعمل كل الي نفسنا فيه وان شاء الله خلال أقل من شهر هنشتري عربية الحمد لله … طبعا أنا حضرت تطبيقات الجذب وأثر فيا تأثير أعمق وهقول قصتي معاه لكن في الجزء الخاص به … أشكرك يا دكتور شكرًا جزيلًا وأتمني من الله لك مزيد من التوفيق والنجاح والنعيم.