لما بدأت أشوف برامج لحضرتك أكتشفت انى كنت عارفه ربنا بصورة خاطئه تماما وحسيت قد ايه ربنا رحيم وكريم ونظرتى اتغيرت للحياه وبعد كورس قوة الكلمه والتفكير بقيت بركز أنى اختار الحاجات اللى بسمعها وبشوفها وبتحرى دايما صحة ما أسمع من أحاديث نبويه أو أقوال مأثورة وبقيت بركز فى قراءة القرءان وأحاول أتدبر فيها وأحس أن ربنا سبحانه وتعالى بيكلمنى ويحكيلى قصص السابقين ويقولى أحكام الدين ودى متعه كبيرة اوى وشفت تحدى اسمه تحدى 100 يوم سعاده قررت اعمله والاقى 100 حاجه تسعدنى واكتب عنها وافيد اصحابى على الفيس بوك وفعلا كملته كله وبقى منهجى فى الحياه اركز على الأشياء الإيجابيه مهما كانت صغيره حتى لو حصل شئ سلبى أو مشكله ببقى متأكده إنها حصلت عشان تصلح حاجه غلط وعشان حاجه حلوة تحصل وبكرم ربنا فعلا المشكله بتعدى والدنيا بتتظبط
دلوقتى بقت بتجيلى أفكار كتير للشغل وبدأت أنفذ حاجات منها وإن شاء الله تكون بداية سعيده
شكرا دكتور أحمد على الوعى اللى ساعدتنا نوصله
جزاك الله عنا كل خير
