كنت متعلقة بزوجى جدا وكنت موقفه حياتى على وجودة ..سافر الامارات يشتغل..حياتى وقفت حرفيا.. كنت بروحله زيارات وخلال وجودى عنده صادفنى فيديو لحضرتك..شفته واحد ورا واحد لحد مابدات اضع خطه لعام 2017 وقررت انى لما هنزل مصر هشترى كورس قوة الكلمة والتفكير..وبالفعل حصل واول إنجاز تتحقق فى (الماجستير) كنت اختلفت مع المشرفة بتاعتى وقالتلى انسى انك تاخدى الماجستير ده ابدا وانى انسي تعب ال5 سنين الفاتو طبعا الدنيا اسودت في وشى وخصوصا انى كنت بدرس التمهيدى وانا خامل وتعبت جدا .. بصراحه استسلمت لقرارها وفضلت فترة عندى قناعة انى عمرى ماهينفع انى اخد الماجستير .. وبعد مااخدت الكورس.. وبدأت أفكارى تتغير..قولت هسمع كل جزء عن تحطيم الأعذار واطبقه على هدف انى هاخد الماجستير وأن الدكتورة ترجع فى كلامها وطبعا ده وقتها كان مستحيل ..وبالفعل بدأت اخطم الأعذار ورجعت اشتغل فى الرساله بدون مشرفه ومدتى كانت قدمها 6 شهور وتخلص ..اشتغلت فيها وانا عندى قناعه كبيره انى هاخد الماجستير..ومن ضمن الحاجات الظريفه العملتها أن رسالتى عن الأزياء النوبيه والنوبه وكده ..وفى عز رفض المشرفه انى اكمل روحت اشتريت 100 علبة كوكاكولا من المكتوب عليهم (كوكاكولا احلى فى النوبه) وفى نيتى أن العلب دى هقدمها الناس فى مناقشتى أن شاء الله.. وحكيت لاختى انا بعمل كده ليه ..قالتلى ان شاء الله تقعدى تشربيهم انت وأحمد عماره بتاعك ده لوحدكم..وطبعا كان اهلى شايفنى مجنونه ايه دى الرايحه بتجهز لمناقشتها ومشرفتها بتقفل التليفون فى وشها لما تكلمها.. المهم جبت العلب وفضلت ابصلهم واقول ان شاء الله هوزعهم في مناقشتى..والمفاجاه ان بعد اسبوع الاقى الحال اتغير والله العظيم اسبوع بس بعد خناقه دامت 7 شهور واول ماافكارى اتغيرت وقناعاتى اتغيرت هو اسبوع والدنيا اتحلت وكان شيئا لم يكن.. والحمد لله مناقشتى فى شهر 2 وحضرتك اول المدعويين ..ربنا يباركلنا فيك وفى علمك

السلام عليكم
أول أخص بالشكر الله سبحانه وتعالى ثم الدكتور احمد عمارة على هذا الكورس الرائع الذي شعرت بعده بتحسن ووعي كبير ، فلقد كنت قبله لا أبالي بما أقول وكانت حياتي تزداد سوء ، ولكن بعد ما عرفت أهمية الكلمة ومدى قوتها أصبحت أتخير كلماتي وأفكر فيها قبل أنطقها وبالفعل حصل تغير كبير ، حتى من حولي لاحظوا ذلك ، وأيضا عرفت أهمية الفكرة وأنها قد تكون سبب في سعادة الشخص وتحويل حياته من شقاء وبؤس إلى سعادة وراحة وجنة وشعرت بذلك وأصبحت تتجلى لدي أفكار جميلة بعد أن بدأت في تطبيق محتوى الدورة ، وأيضا عرفت أن كل ما يحدث من حولي أنا المتسبب فيه وليس غيري وأستطيع تغييره بإذن الله إلى الأفضل والأروع ، وإن شاء الله سأستمر في تطبيق محتوى الدورة وألتحق بغيرها .