تزوجت من 10 سنوات و بدأت حياتي باني ضحيت بشغلي و انجبت اولادي و عشت 10 سنوات لا يهمني شئ لنفسي فقط اولادي و كنت أعتقد أن التضحيه صح و كذلك زوجي وقفت وراه و ضحيت و شلت المسؤليه كامله عنه و ضحيت بصحتي و احلامي عشان هو يوصل و يحقق حلمه و كنت دايما عيانه و تعبانه و مش لاقيه نفسي و لما اسال الاهل يقولولي هو كده الحياه و احنا كنا كده و استحملي و.كلنا ضحينا و ولادك أهم حاجه و كان كمان وزني زاد من الاعده في البيت و اصبحت شخصيه ضعيفه كان جوزي بيتحكم في كل حاجه فى حياتي و بدأت اسمع د/ احمد عماره و بدأت افكر في كلامه و نزلت اشتريت دورة قوة الكلمه و كانت بداية تغيير كل شي في حياتي عرفت ان مفيش حاجه اسمها سن و اني كبرت و اي حاجه اقدر اعملها في أي وقت نزلت بدأت اشتغل بسيط و احقق نجاحات و بدات في مشروع خاص بيا كان حلم عندي أنا لسه في أول المشروع بس مبسوطه اني اصلا بدات ثانيا وقفت واقفه مع الكل اهمهم زوجي و اولادي و فهمتهم اني لست شمعه تحترق أنا شمعه تشتعل و ان صحتي مهمه زي صحتهم و من حقي وقتي الخاص. عملت نظام صحي في حياتي و خسيت جدا الحمدلله و صحتي في تحسن بعد ما كنت على طول عيانه بقي عندي امل في الحياه و أن الأحلام ملهاش سن ولا وقت. بدات في تفسير و فهم القرآن بنفسي و تشغيل عقلي و عدم الاتباع للموروث فقط الحمد لله على اللي وصلتله و دعواتكوا ليا بالثبات لاني طبعا معجبتش ناس كتير بعد التغيير و خاصة اقرب الناس ليا بس أنشأ الله يكون ده تحدي ليا عشان اثبتلهم اني صح. شكرا دكتور احمد