اشهد الله ان اهدائك لي لكورس قوة الكلمة والتفكير في 9/2016 قد غير كثيرا مني ،ساهم في تغيير مسار حياتي بفضل الله للأفضل .
كان بمثابة رسائل من الله وهدايه ليا علشان تفوقني ، واعيد برمجتي الداخلية ،برمجة صحيحة مبنية على نور ويقين حقيقي ، مش اعتقادات خاطئة كنت اظنها الحق!
حقيقي كان الكورس صادم ومفعولة قوي عليا داخليا ، كان بمثابة الجراح اللي بينضف بعمق ،علشان اخف خالص بعد الجراحة . فاكره ساعتها كنت باخد وقت بين كل كذا فيديو علشان تراجع نفسي وافوق ، كانت المرحلة صعبة ساعتها فعلا وكان ممكن اخد قرارات مصيرية خاطئة جدا ممكن تدمر مستقبلي (زواج كنت اظن انه سيكون سعيد) بس الحمدلله مرحلة الجراحة (اعادة برمجتي للأفضل ) عدت بسلام .
اليوم بفضل الله انا شخص افضل كثيرا من السابق ، أقوى بالله ، الاصنام السابقة تلاشت ، تأثيري الإيجابي أكثر من السابق . بفضل الله أنقذت حياتي ولم اتزوج من الشخص الخاطئ ( حدث اعادة ترتيب للإحداث وتم الانفصال الحمدلله ) . يبدو ان مراحل الوعي أمابتختلف بتعيد صياغة سيناريو الحياة بشكل مختلف . بعد الانفصال توقفت اتأمل ياااااه هو انا كانت مرحلة وعيي منخفضة أوووي كدا اما كنت هرتبط به!!
حمدت ربنا واستعنت به وكملت الطريق ، رغم ان كان في عروض زواج تانية وضغط من اهلي ، بس الحمدلله كله عدا بسلام . ركزت على عقلي ، ووعيي وصحتي اكتر ، علاقتي ب ربنا ، شغفي ومجال عملي ،وركزت على اكون بيئة ايجابية تدعمني ، حتى لو كانت البيئة دي من خلال القراءة والبحث والاطلاع . المهم بلاقي الافكار والمشاعر الايجابية وبقضي فيها اغلب وقتي بفضل الله .
ظهر كورس تطبيقات قانون الجذب فرحت جدااا به واشتركت وكانوا خدمة العملاء بالمؤسسة متعاونين جدا ، اتفعل خلال اليوم نفسه ، كان فرحة لاتوصف اني هبتدي مرحلة تانية ،الشغف والاثارة بجد كانوا فوق أوووي . ابتديت اتدرب واشتغل على نفسي من أول وجديد ، ابتديت احاضر وادرب في مجال ادارة الاعمال ( لاني اشتغلت قبل كدا في المجال ده وجبته من أوله أثناء اقامتي في القاهرة ) ورجعت شغلي أقوى من الاول ،واكثر ثقة .
في نهاية 2017امابفتكر من ساعة أول محاضرة حضرتها لحضرتك في قنا2015والقسم اللي كان بيتردد جوايا ،وبيزيد من عزيمتي واصراري ، كنت بردده حتى انا و واقفه في الاتوبيس 🙂
براجع شريط الحياة بقول ياااااااه الحمدلله ان ربنا رزقنا بعارفين أثروا الوعي وكانوا نعمة وهداية من عندك يارب علشان نعبدك حق ، ونشكرك حق ، وتزيد ثقتنا انك أكرم من ان تبتلي لمجرد ان عبدا احبك !
كل مابشوف حضرتك في مكان في العالم و ممكن لك في الارض بتزيد سعادتي ، بشكر ربنا انه اعطاك ليرينا كرمه وفضله فندعوه فيعطينا خيرا مما نتوقع .
لااخفي عليك سرا ، محاضرة اسوان 2017 علت طموحي اكتر من الاول بدرجة لم اتوقعها ، وكان لها تأثير كورس قوة الكلمة والتفكير كدا ،خصوصا ان قررت التزم بالعهد وانقطع عن الصلات الخارجية ومن اعرفهم حتى اكون تقدم في حياتي .
اليوم حاضرت ودربت ادارة اعمال وتطوير ذات في بلدي الاقصر وحضر لي من ثلاث محافظات مختلفة ( الاقصر،قنا ،سوهاج) .
مشرف بموقع بيت .كوم ، وضمن افضل 10مختصين في 4تخصصات ، ومن قريب اصبح ترتيبي الاول في احد التخصصات بفضل الله .
جزاك الله خيرا ، ودمت في بهجة ونعيم انت وعائلتك ومن تحب جميعا اللهم آمييبن