انا مهندس استشارى كنت بشتغل فى السعوديه بس قبل الكورس كنت عصبى جدا بدرجه بتخلينى اقرف من نفسى
وكنت بخاف جدا من هواجس جوايا هل ممكن يمشونى اقعد فى البيت ملقيش شغل والافكار دى كانت بتحاربنى حرب ضروس لحد انها ماثرت فى حياتى
المهم مراتى كانت السبب انها عرفتنى مين دكتور احمد عماره سمعت شويه لكن محضرتش الكورس ساعتها عجبنى جدا المهم بعديها
والدتى كانت تعبانه جدا وفضلت احارب مع الشركه عشان ينزلونى فرع مصر عشان افضل مع امى لانى انا وامى كنا مرتبطين ببعض جدا
المهم الموضوع باء بالفشل وكمان امى ماتت يرحمها الله ونزلت عشان العزا ورجعت شهر السعوديه ونزلت اجازه تانيه وكانت التغيير الغريب بعد الحضور فى الكورس
فجأه واحد زميلى يكلمنى من نفسه يقولى ماتيجى مصر قلتله عادى انا موافق ومهتمتشى وكمان ايام لما كنت بسعى باسلوب غلط كان معروض عليا مرتب مش كبير
سبحان الله ابن صاحب المكتب كلمنى قالى تعالى وقعد معايا واتفقنا على مرتب ازيد ب ٤٠٠٠ جنيه لا وكمان بقيت مدير قسم
لا وكمان فاتح مشروعين مع بابايا والحمد لله الدنيا بقت حاجه فعلا بعد التفكير الصحيح
الصراحه اشكر دكتور عماره كان سبب كبير جدا فى بناء اسمى كمهندس استشارى ومدير قسم
وكمان بداية رجل اعمال وازاى استخدم مهاراتى لتحقيق كل حاجه
اشكره مر تانيه
سلام عليكم
