الحمد لله اني من متابعين د.أحمد من ثلاث سنوات وقتها سمعته يتكلم عن المال وشلون احنة عدنا كنوز في داخلنا ممكن اذا استخرجناها نحولها الى عملات وسمعته للدكتور يتحدث عن الرسالة في الحياة وظليت ابحث عن رسالتي سمعت هواية عن المواهب والرسالة في الحياة وشاركت بأكثر من اربع اختبارات لمعرفة الشخصية والقيم والرسالة والحمد لله اصبحت اوضح امامي عرفت اهم قيمة عندي هي الالهام..اني ماجستير هندسة معمارية جنت اتألم لمن اشوف عمارة بغداد شلون ملوثة ومشوهة وجنت اتناقش وية زملائي ليش محد يوعي الناس ليش ماكو قوانين تحمي عمارة بلدنا وليش وليش..بعدين من عرفت قيمي عرفت انو اني لازم ابدي اني لازم اوعي الناس وبالفعل اسست صفحة على الفيس بوك قبل ٨أشهر سميتها (بيتك المثالي) تنطي نصائح عن افضل الطرق لجعل المنازل اكثر راحة وجمال وماكنت متخيلة احد راح يسمعلي او يطبق..بس تفاجئت بالانتشار لصفحتي حاليا يتابعوها اكثر من ١١ ألف شخص و توصلني الكثير من رسائل الشكر لناس طبقوا نصائحي ولمسوا التغيير الجميل لمنازلهم.. الحمد لله الحمد لله
