السلام عليكم يا دكتور أحمد..أنا حابب إنى أشكرك من قلبى على كل قيمة ومعلومة إتعلمتها منك..أنا شخصيا من سنة 2013 و أنا بتابعك وبتابع مقالاتك وفيديوهاتك إللى على الفيس بوك وفى البرامج وبفضل ربنا ورحمته بستفاد منك جدا..بعد ما ما سمعت الإعلان الخاص بقوة الكلمة والتفكير ,من أكتر الجمل إللى لفتت إنتباهى جملة ((إن الإنسان طاقتة مكتملة علشان حاجة تدخل لازم حاجة تخرج)) ساعتها قررت أشترى الكورس من منظور إنى بخرج مال وفى المقابل لازم شىء هيدخل لى ..وقررت إنى أشترى الكورس وروحت لفرع أكاديمية عمارة إللى فى إسكندرية و إشتريت الكورس وإشتركت فى الأكاديمية من عندهم ..الكورس كان مدته حوالى 13 ساعه ..ال13 ساع دول تقريبا قعدت أسمعهم بإستيعاب لمدة أسبوعين كنت بحاول بأقصى قدر ممكن إنى أخللى كل كلمة ومعلومة وقيمة فى الكورس تكون بمثابة طاقة نور بتنظف كل معلومة مغلوطة عدت على وعى فى حياتى..وبفضل ربنا تقريبا بعد ماخلصت الكورس بيوم أو أيام بسيطة قريت إعلان مطلوب مدرس مساعد فى أحد المعاهد العليا قدمت ورقى عندهم و الماجستير بتاعى وإتصلوا بيا بعد حوالى أسبوع ..وبفضل ربنا بعد ما كنت بلا عمل لمدة تقريبا خمس سنين نتيجة أفكارى الغلط..دلوقتى ربنا كرمنى وبشتغل فى منصب أكاديمى رفيع وبإذن الله ربنا يعيننى على الإستمرار فى التطبيق والإحسان ويوفقنا جميعا وشكرا ليك يا دكتور أحمد وربنا يجازيك كل خير
