بسم الله الرحمن الحيم…
شهاتي سوف تكون عن دورة قوة الكلمه والتفكير…
كنت امر بمرحله من الاكتاب…كان عندي صعوبه بالتعامل مع الناس, بكل مره كنت ابلش فيها شغل مكنتش اكمل…السبب كان حساسيتي الزايده وايماني باني فاشله بكل شي…انا امراه مطلقه عندي ولد وبنت…
كان براسي اني فشلت بزواجي فشلت بالتعامل مع اهلي فشلت مع اولادي لدرجة انهن اتركوني وقررو يعيشو مع ابوهن…صار عمري 33 ولسا مش عامله شي بحياتي…باختصار حياتي ما كانت سهله وافكاري كانت كلها سلبيه…
كان عندي فكره من قبل انه افكاري بتاثر علي بشكل فعلي بس ما كنت اطبق هالشي او ما كانت عندي تقنيه معينه لاستخدامها…
لحد شي يوم كنت اتنقل من عند طبيب نفسي لطبيب تاني…وفكرة الانتحار كانت ما تفارق راسي, شي يوم كنت عند شي دكتور, فجاه بلاقيه بحكيلي انه الحياة صعبه, بهذيك اللحظه عرفت واتاكدت انه ما في حدا راح يساعدني غير نفسي…
روحت عالبيت استدعيت لربي انه يهديني, بالصدفه وانا اتصفح الفيس بوك شفت فيديو للدكتور احمد عماره عن دورة قوة الكلمه والتفكير…وقتها شفت كتير امور متشابهه باللي حضرته مرق فيه وباللي انا عم بمرق فيه…
بما اني ما بثق بكلام اي احد بس اعتبرتها انها اشاره من رب العالمين لارشادي للطريق الصحيح.
طبعا ما كان عندي اي وسيلة دخل, والوضع المادي بالعيله صعب…اضطريت اني اطلب من صديقتي هي الي تدفعلي للكورس…
بس بلشت احضر الكورس تغيرت كل حياتي…للاحسن اكيد, وحكيت لحالي انه بما اني بعرف اعمل كتير اشياء بايدي ليش تني اروح اشتغل عند الناس وبعدين يستغلوني والى اخره…
صارت تيجي لافكار على راسي شوي شوي…وبما انه ما معي راس المال حتى ابلش فيه…تول كلمه اجت على راسي هي الشارع…
قررت اني افتح بسطه “كشك” وابيع فيه كريب او وافيل… طبعا برستيج العيله ما سمحلهن بالاول انهن يوافقو, لحتى قلتلهن انا ما عم اطلب اذن انا بس بخبركو…كنت اول مره بحياتي واثقه من شو بعمل…طبعا حاولو لفتره طويله انهن يعرقلو هالشي بس انا كنت صامده ومكمله.
اليوم انا صرلي كم شهر اشتغل, الحمدلله…الله غانيني عن كل الي حوالاي, ومش بس هيك!…انا اليوم الي عم اصرف على هدول الي حوالاي, والاهم من هيك انه نفسيتي كثير تغيرت…وصرت كبيره بجد بعين نفسي…صارت نظرتي للناس كمان غير…اليوم انا انسانه اجتماعيه بعد ما كنت انسانه ما بتقوم من الفراش !
طبعا لساتني باول الطريق وان شالله بكون كل يوم جديد بالنسبه الي هو اول طريق…والاجمل من هيك اني حاليا بعد ما كنت بصراع دائم مع افكاري اليوم انا وصلت لمرحله اني بتحكم بافكاري بدون ما انتبه…انزرع باللاواعي لدرجة اني اذا بسمع اي كلمه سلبيه من حدا دغري عقلي بعكسها بدون ما اطب منه, حتى وانا اتفرج على التلفزيون…صرت انتبه لكمية الكلمات السلبيه الي بذكروها او مرات بذكروها وبكتبوها باللون الاحمر كمان هههه
بعرف طولت عليكو…بس لازم احكي اجمل شعور بالقصه كلها انه لما بيجي على بالي شي اكله بدون ما احكي باقيها بعد شوي قدامي…يعني صارت امنياتي من كورس واحد مستجابه…طبعا الفضل والشكر لرب العالمين وبعدين اكيد للدكتور احمد عماره.
الصراحه مكنتش ناويه اكتب شهادتي عن الكورس الا لما احقق كمان اشياء واشياء…بس الكومبيوتر عندي علق على هالصفحه فكالعاده اعتبرتها اشاره…ويا رب تكون قصتي تشجيع للباقي…
احلى شي بالكورس انه مرتب بطريقه جدا رائعه, سلسه ومن الالف حتى الياء.
جزيل الشكل للدكتور وللطاقم الي تعب لحتى يطلع هيك شي بيشابه الكمال.