قصتي مع قوه الكلمه والتفكير?
على مستوى الوعي ف الحمد والشكر لربنا ثم ليك دكتوري
أولا أنا من قريه ريفيه في كفر الشيخ وخريجه سياحه وفنادق وكنت عايزه اشتغل في شركه سياحه بس طبعا ماعندناش في البلد اللي انا منها
قولت لهم في البيت وكانوا موافقين وروحت اسكندريه ودورت على شغل بس للأسف ملقتش فضلت حوالي أسبوع بدور ويقولولي مافيش أو عايزين خبره وفي الوقت ده انا كنت لسه متخرجه قولت اكيد هلاقي ونزلت القاهره فضلت أدور حوالي 23 يوم بالظبط لحد ما صاحب شركه من اللي قدمت فيهم بيكلمني وقالي اروح بكره مع أن كنت مقدمه أنا وواحده صاحبتي واختاروني أنا الحمدلله كان المرتب رمزي جدا كبدايه بصراحه اخدت خبره وكنت بسمع لحضرتك كتير وكل ده حصل معايا قبل مااخد الكورس
وكنت دايما بقول أنا هشتري الكورس أول ما يتوفر معايا ثمنه لأن طبعا كنت بدفع إيجار شقه ومصاريفي وكده وفي يوم كنت بحضر ندوه لحضرتك في جمعيه دريم لاند وكانت أول معلومه أثرت فيا “لن تنالوا البر حتى تنفقوا مما تحبون ” وبعد المحاضره ما خلصت كان في فريق من الاكاديميه بيعرض الكورسات بتاعه حضرتك وانا ماكنش معايا فلوس كتير وقتها بصراحه بس في لحظه الايه جات في دماغي طيب عشان يجيلي حاجه انا عايزاه لازم أنفق الأول وابدأ خطوه خطوه واشتريت كورس ثوره الأهداف كان في معلومات جديده عليا وساعتها عملت كومنت على الصفحه عندك وعجبك واديتني كورس قوه الكلمه والتفكير تقريبا في نفس الشهر اللي اشتريت فيه ثوره الأهداف
فرحت جدا ولما اخدت قوه الكلمه كان فيه كميه معلومات قشعرت جسمي بس كنت ببقى في قمه السعاده والاستمتاع وأنا بسمعها حسيت بلغبطه في الأول وكنت بطبق ببط بس كنت برجع تاني بقوه
الكورس غير أفكاري تمام
ابتديت أدور على شركه ثانيه وفي يوم روحت عملت انترفيو في شركه بس معجبتنيش محستش ان ده اللي انا عايزاه وبعدها نزلت شوفت واحده صاحبتي في وسط البلد وسلمت عليها ومشيت وانا ماشيه قولت لنفسي طيب هنا شركات كتير ممكن ادخل أدور ممكن يكون حد فيهم يكون عايز موظفين حجز طيران وفضلت أردد أنا مستمتعه بالسعي مش مهم النتيجه
“ان معي ربي سيهدين” وفجاه عجبتني شركه ومعرفش ايه اللي خلاني ادخلها ودخلت وسألت قالولي لا مش محتاجين قولتهم شكرا وبلف وشي وماشي لاقيت حد بيقولي لحظه لو سمحتي بصيت لقيت واحد بيقولي انتي معاكى كورس اماديوس قولتله ويشتغل كمان اماديوس ? قالي كمان بتشتغلي اماديوس قالي ده الكارت بتاعي عايزك معايا في شركه بس مش دي قولتله تمام جلاله الاوراق المطلوبه وروحت وعملت انترفيو واتقبلت واخدت 3 أضعاف المرتب اللي كنت باخده في الشركه الثانيه ? وكان عايزه تكون ع النيل والشركه فعلا ع النيل ويشوف منظر الغروب من الشركه والشمس في النيل منظر أكثر من رائع ❤ ?
وحاليا يشتغل على مرتب أعلى
اه بشكر ربنا على المرتب ده بس بسعي للأعلى والتطور بمشيئه الرحمن
أنا كنت متعلقه بشخص في حياتي جداااا بس الحمدلله اتحررت من التعلق ده وكان عندي صنم الأهل وأنهم مش هيوافقوا عليه وفعلا موافقوش عليه وبعد ماخدت الكورس وكسرت الصنم ده فجأه وافقوا وخطوبتنا في شهر واحد بإدن الله دعواتك يا دكتور ?
صحابي الناس اللي كانت بتعملي لووود في حياتي بيختفوا تدريجيا
صحابي لما بيجوا يحكولي على حاجه مدايقاهم بيقولي لما بنتكلم معاكى بحس براحه نفسه وطاقه ايجابيه وبكون سعيده اوووي أنهم بيكونوا مرتاحين
بس لسه مكتشفتش عملتي بس بسعي حاليا لاكتشافها
بقيت كل ما حس بمشاعر سلبيه أقف كده لثواني وأقولها استنى قفشتك وأسأل نفسي أنا ايه اللي خلاني احس بكده وادور لحد ملتقى السبب واتعامل لحد ما المشاعر دي تروح
بقيت كل اما الاقي موضوع يدايقني اتكلم مع ربنا شويه واقوله حصل كذا كذا وأنا عملت كده عشانك ومعرفش ليه هما زعلانين مني عشان عملت كذا
اكيد هما مش فاهمين يا رب اهديهم وأصلح حالهم واخلص معاه تاني يوم أو ممكن في نفس اليوم الاقي الناس أو الشخص ده متفهم اللي عملته وبيكلمني عادي
أنا بحب ربنا اووووووووووي
وبحبك اووووي في الله
خدت بالك من اووووي دي ???
بقيت التطورات هحكيهالك أول ماتتحقق ان شاء الله??