انا عمر من السودان .. بديت اتابع د. احمد من 2010 لما كان عمري 18 سنه ولحظتها كان عندي اكتئاب حاد من الحياه والناس وكل شي وكان تفكيري قمه في التدهو .. بعد ما اتعرفت على الدكتور وبدأت اتابع الحلقات على يوتيوب بدأ تفكيري ونتظري تجاه الامور تتغير بالتدريج وبدأت اطلع من الحاله الي انا فيها وبعدها اكتشفت د. صلاح الراشد وتابعت برنامج رساله من الكون كله وهنا بدأت النقله الاولي في حياتي .. توقفت لقتره قعدت مع نفسي ورتبت كل الافكار الي بداخلي وبدأت رحله التغير واستمريت اتابع الدكتور الي عام 2013 وفي خلال الثلاثه اعوام دي بدأت اشتغل في العمل التطوعي وخلقت شكبه ممتازه من العلاقات الاجتماعية الجيده وفي عام 2013 قررت افتح البزنس الخاص بي .. ساعتها كنت في السنه الثالثه في الجامعه وبدأت اول مشروع وفشل والثاني وفشلت والثلث وايضا فشلت فيه .. وفي المشروع الرابع قررت اكتشف عملاتي الداخليه وابدأ في فكره انا بحبها والي هي الالعاب (انا كنت مدمن العاب فيديو من وانا صغير) وفكرت انو دا هو المجال الي انا بحبه ولازم البزنس حقي يكون فيه وهنا بدأت الرحله للنقله الثانيه في حياتي .. بدأت ابحث عن افضل انظمة الالعاب الي ممكن ابدأ واطبقا لقيت انو العاب (Board Game) هي الانسب لي وبدأت شركة جديده مع شريكة لي في نهايه عام 2013 كشركة ناشئه في مجال تصميم العاب البرود قيم لتحسين منظومه التعليم. عشان تتعرف اكثر على العاب Board Game زر الموقع دا : https://boardgamegeek.com/
,كنا ساعها اول شركه في السودان تبدأ النشاط دا وبدأت العمل عليها وانا في السنه الرابعه في الجامعه وشغال بأسس في الشركة .. وفي اخر السنه مشروع تخرجي كان بيتكلم عن ان كيف تخلق اسواق جديد لمنتجات جديده في سوق لا يوجد فيه منافسين غيرك (بحكم اني كنت بدرس اداره اعمال يعني) مثل ما عملت انا .. لان الوقت داك لم تكون في شركات اصلا بتعمل بتصمم برود قيم في السودان.
في اول عام 2014 عشان ننتج اول لعبه بورد انا وشريكتي منى اخذنا 6 اشهر وبعدها اللعبه فشلت ولم تحقق اي نجاح .. رجعنا طورناها وبعد شهرين نزلنا منها نسخه جديده لقت استحسان الناس وبدأنا ننطلق في عام 2015 انتجنا ثاني لعبه لنا والي لقت رواج جيد بين الاهالي والاطفال وبدأنا نضع الاسس المتينه للمشروع في اننا حنحسن منظمة التعليم ن خلال العاب بورد قيم.
في شهر 7 / 2015 شاركت في “ملتقي الابتكار العربي الاول” في الاردن – عمان وكان بضم 70 مشروع عربي ريادي .. واحرزنا المركز الثالث عريبا كأفضل مشروع قدم خطه لدعم عجله التعليم من خلال الالعاب.
دا كان حافز لينا بعدها اشتريت كورس قوه المكلمه والتفكير وهنا النقله الثالثه لي.
بدأت اوسع نطاق عملي وبدأنا نحسن من مستوي التصاميم للألعاب وبدأنا نعمل ابحاث اكثر ودرسنا اكثر لتطوير مهاراتنا في التصميم وهنا بدأنا نعمل شركات مع جهات ممتازه ووصلنا مرحله بدأنا نبتكر وحول الدورات والورشه التدريبيه الي العاب ونغير انظمة التدريب 360 درجه .. وتخلي التدريب بدل يكون متحدث ومتلقين الي تدريب تفاعلي بي لعبه .. وان الدوره كلها من A to Z تكون by Board Game .. كنا بنؤمن ان الشخص الدارس او المتعلم كل ما كان بيتعلم بأستمتاع بستفيد اكتر وما بينسي العلومات وبي كدا كنا اول شركة في السودان والعالم العربي تكتبكر نظام تحويل المحتوي التدريبي الي لعبه ونطور النمط التقليدي للتدريب الي نمط جديد ومبتكر.
بعدها اطرونا اكثر في التصميم وبدأنا نطور العاب في المجال الصحي للمنظمات المحلية العامله في توعيه المجتمعات الريفيه .. المنظمات في السودان كلها كانت بتعاني من انها بتصرف ملاين الدولارات في كل عام عشان نتشر التوعيه من امراض مثل (الملاريا وسوء التغذيه و الختان والكوليرا عدم التبرز في العراء) من خلال توزيع منشروات او عمل زيارات ميدانيه للقري الفقيره دي. وهنا قررنا نطور منظومه جديده من الالعاب تخدم المجال دا وتساعد في التوعيه بطريقه افضل .. في شهر 5 / 2017 اجتاح السودان وباء الكوليرا عن طريق العابرين من حدود جنوب السودان والمنظمات كلها بدأت في حملات توعيه ضخمه للمجمعات الريفيه في شمال وشرق وغرب السودان لكن لضعف التوعيه الوباء حصد983 شخص و 31.838 الف مصاب في كل السودان .. ساعتها صممنا اول لعبه وكانت نسخه تجريبيه في شهر 7 الماضي من عام 2017 و سافرنا منطقه في جنوب السودان كان فيها الوباء ولعبنا مع الاطفال اللعبه .. الفكره من اللعبه هي ان تخلي الاطفال يتجمعو ليستمتعو ويلعبو وفي نفي الوقت نرسل لهم كل الرسائل الايجابيه تجاه التوعيه بالمرض وان لازم يغسلو الديهم قبل وبعد الاكل وبعد الخروج من المرحاض وبتعلمو كيف بتعاملو في مع المرض بطريقه صحيحه .. اللعبه لقت نجاح ممتاز جدا ممكن تحضر العلم القصير الي صورناها في رحلتنا دي https://www.youtube.com/watch?v=D1ZlHyaUW2U&t=4s وبعد النجاح دا التقينا مع مدير منمة الصحه العالميه WHO في السودان وقرر ان اللعبه دي سيتم تجربتها في ثلاثه ولايات في السودان خلال الثلاثه اشهر القادمه وفي حال نجحنا في هذا التحدي اننا ننقل المعرفه للمجتمعات الريفيه بطريقه الالعاب وكانت فعاله سيتم اعتماد الالعاب كمنهجيه في التوعيه .. وبي كدا حكون اول شركة في العالم كلو تقدر تقنع وتخلي من ظمة الصحه العالمية تضيف الالعاب كمنهجية جيده لعملها في العالم.

الان انا اول سوداني بدأ هذا المجال واكتشف عملاتو الداخليه في الاللعاب وبدأت اسخرها كمشروع لخدمه المجتمع في مجال التعلم والصحه والتدريب. وايضا كأول شركة عربيه ناشئه قدرت تبتكر انظمة جديده للتدريب والتعويه في المجالات الصحية. ومكملين

انا ما اتكلمت عن الصعوبات والتحديات الي واجهتني لانها كثيره جدا والكلام عنها حيطول لكن ذكرت الانجازات فقط ولسه مكمل يعني

في يناير القادم حشتري كورس اسرار الجذب

حبيت اشكر الدكتور على كل الي قدمو لينا من معلومات .. وانا هدفي الي العالمية ان شاء الله .. واذا الدكتور قرأ قصتي وحب يتواصل معاي اكيد اتشرف بس حقولك انو لسه شويه على في بالي افكار اكتر لازم انجزها وبعد ما WHO يعتمدو الالعاب بتاعتي كمنهجية لهم في العمل و اقدر انفذ مشاريع في كم دوله اخري غير بلدي السودان .. وناوي اخل في قائمة 30 Under 30 – Forbes ممكن نصور مع بعض هههههههههههههه
وانا مش شايف الحاجه دي بعيدة وانا واثق من قوه افكاري انها قداره توصل لابعد من كدا .. وشكرا

دا الموقع الالكتورني بتاع شركتي هو تحت التشيد لكن قريبا حيكتمل http://www.wiz-era.com/

حاسس ان النقله الرابعه لي ستكون بعض احضر كورس اسارار الجذب

شكرا د. احمد