بسم الله الرحمن الرحيم
اللهم صلي على سيدنا محمد (صلى الله علية وسلم ) انا عايش انا واخويا بس في بيت واحد ووالدي الله يرحمة اتوفى وانا في 2 اعدادي وكان بعيد عني طول عمري حدث (انفصال ) ووالدتي مدرسة لغة عربية اشتغلت في الامارات وصرفت علينا وكبرتنا ربنا يخليها لينا يااارب بحبك يا غالية
انا بقى اولا كنت متميز في كل حاجة تمام اي حاجة بحطها في دماغي بعملها بس بعملها بجنووون اللي هو محدش يعرف يعمل زيي تابع حضرتك معايا من صغري
وانا في الابتدائي كنت بروح المدرسة وانا مخنوق منها وبذاكر علشان منضربش بالعصايا وكنت معتمد على الغش يعني حرام كنت متميز فترة الابتدئي في اني مزعلش امي مزعلش حد مني ومقضيها لعب وتنطيط وغش وبراشيم في دروس واحيانا كنت بهرب من الدروس دة كلة وانا لسة في ابتدائي
من 1اعدادي لحد 2 اعدادي كنت بدات في مشوار الرقص الهيب هوب وطلعت على التلفزيون و كنت متميز بردة بس مش . مش .. مش في المذاكرة في اني اكلم البنات يعني الواد دة بيكلم البنات اللي محدش بيعرف يكلمها الواد دة اسطورة الواد دة الشبح بتاع الجيل الواد دة معاة ارقام البنات كلها دة كلة وانا مش حاطت المذاكرة في دماغي وانا لسة من 1ل2 اعدادي جيت في 3 اعدادي امي قالتلي ذاكر وخش تمريض وخلص اشتغل وجيب فلوس والتمريض حلو دول بيشتغلم وهما بيدرسم وكدة ااااااااه اول مرة هذاكر لهدف معين وطبعا لحد دلوقت ناتج عن طريق الغش اللي هو حرام
قابلتني صعوبااااات جاامدة جداا من اهم الصعوبات اللي قابلتني( الحسد ) كنت مجنووون كنت كل اما اتاوب يقولولي انت محسود محسود محسود قولت طيب عااااش يالا يا علاء اسد يالا اسد شد يالا وطبعا كنت بطبق بالاياااام زي ما قولت لحضرتك اي حاجة بحطها في دماغي مش بسيبها تعدي عادي كدة سيبتني من طريق اني اكلم البنات والطريق دة خااالص وبقيت بصلي ومبسبش فرض وان ربنا اكيد هيعني وهيوفقني وكان يوم عليا ويوم لا يوم عليا ويوم لا عمال اطلع وانزل اطلع وانزل وعلى فكرة من سن الابتداني لحد 2 اعدادي كنت بهرب من الدروس يعني . تمام
لكن بدات اصلي واواظب في 3 اعداداي (الترم الاول) رحت الامتحانات اول يوم معتمد على نفسي قولت ياريتني جبت الكتب كلها معايا وباقيت الامتحانات كلها كانت بالغش بقى ورجعت تاااااني بتاع علاء بتاع الاعدادي كلمت بنات واهرب من الدروس وكدة بقى
خلصت الحمدلله لحد كدة 6 سنين ابتدائي و 3 اعدادي بالغش و اخر استهتار بقى اه ناسيت اقول لحضرتك مدخلتش تمريض وقررت اني اخش ثانوي دخلت اولى ثانوي دخلت في مشوار التمثيل وبدات اعمل فيديوهات وانشرها على الفيس وكدة وحققت في شهر واحد 4000 مشاهدة ولكن لحقت نفسي قبل الامتحانات ترم اول بالغش و الكتابة على الحيطة والبراشيم على الالة الحاسبة وكدة بقى طبعا مجاميعي لحد دلوقت بيئة كلهاا ونجحت بالعااافية ….. طبعا دة من ناحية الجانب الشخصي و الدراسي لكن بالنسبة للاجتماعي انا في قمة الادب وكان من المستحيل اني اعمل مشكلة واحدة وبخاااف اوي من زعل امي و
وكنت لا متأسس في اي مادة ولا اي بتنجان كنت بطاطس وطبعا لحد دلوقت كنت بردة مبسبش فرض بس الحياة كانت مدربكة حلو على وحش .. دخلت 1 ثانوي الترم الثاني قولت بسسسسسسسسسسسسسسسسسسسس كفاااااااية لحد هنااااا يا علاء انت طول عمرك جدع وبتعمل الحاجة وانت متميز فيها حددت هدفي دخلت علمي وقررت اني اخش (الطب البشري ) شوف حضرتك بقى اللي حصلي غيرت دروسي كلها ورحت عند مدرسين جداد بدات اتكرش من عندهم وانا
في دماغي ان ربنا عاوز كدة وبقول الحمدلله الدرس الىي بسيبة بروح لواحد تاني وبدات اني مش عارف اذاكر كويس ياااارب يااارب دة انا طول عمري بصلي ومش بسيب فرض ياااارب هو انا عملت اية علشان دة كلة يحصلي انا كل شوية بتحسد لية كل شوية مش عارف اركز في الدروس لييية هو انت يااارب عاوزني كدة فعلا خلصت 1 ثانوي خااالص دخلت 2 ثانوي علمي ذاكرت بردة وبقول ياااااارب ياااارب انا كل اما اقعدت على الكتاب مش طايقة لييية يااارب طب اشمعنة انا دة انا عبدك وبأشهد ان لا اله الا الله وان محمد رسول الله لحد ما جيت في يوم وسالت نفسي هو لية ربنا بيعمل معايا كدة والكفاااار لا وبيقولو ان ربنا بيرزق الكفار
وانا بقوووووول يااااااااااااارب لحد ما جيت اليوم اللي بعدة وكان اخويا مش في البيت و كنت مضروب في درس وكنت مذاكر كويس جداا وبقول الفرج جي اهه اهه و انضربت و طلعت البيت وانا في عنيا الدمعة وقعدت لوحدي على السرير وبعلو صوتي الداخلي ياااااااااااااااارب وانا بعيط جداااااااا وبنزل في دموووع كتيييرر وبقووووول ياااااااارب ياااااارب هو انا عملت اية يااااارب وانا بعيط كتييير وحزن شديد عاوز اطلع فوق مش عارف وبقووول ياااارب ياااارب نمت وانا بعيط وصحيت افتكرت حضرتك كان واحد قالي علي حضرتك من 3 اعدادي وانا دلوقت في 2 ثانوي دخلت اتفرج على فيديوهات لحد ما وصلت لكورس قوة الكلمة والتفكير كلمت والدتي وهيا في الامارات وقولتلها عاوز فلوس اشتري كورس جبت الفلوس وانا فرحاااان جدااا وبقول الفرج جي الفرج جي و كان لحد هذا اليوم لخفنة ولغبطة وحسد لحد ما اشتريت الكورس الحمدلله ودعت الحسد تماما ودعت كره المذاكرة ودعت الضغوطات ودعت الحياة السيئة اللي كنت عايش فيها ودعت حياتي الصعبة الملخفنة والمنرفزة بفضل الله سبحانة وتعالى ثم بفضل حضرتك يا دكتور اول ما خلصت الكورس قوة الكلمة والتفكير وبدات في تطبيقة حسيت بدووخة جااااامدة جدااااااااااااا وتعب جاااامد جدااااااااااااا ولكن كان بيقل عن يوم واللي بعدة وانا دلوقت عايش جنة ربنا ورضاء ربنا عليا و انا بقيت منظم جدااا في المذاكرة بدل ما كنت قاعد مستخبي وانا في الدرس علشات الحسد بقيت انا المدرس في الحصة يعني اي سؤال بجااوب وبعلو صووووتي بدل ما كنت بخاف امسك الكتاب واراجع وانا في طريقي للدرس لا دة انا بقيت بذاااااكر بذاكر بذاااااكر مش براجع هههههه
مش مصدق ولا الهوا بقى بيأثر فيا دة انا بقيت عاوز افرتك الكتب معتش بقدر اقعد نص ساعة من غير الكتب واكيد انا بكتب دلوقت الرسالة دي وانا نفسي اسيب الموبايل واقوم اذاكر مش بس كدة الناس كلها مستغربة مني جداااا لدرجة المدرسين بيقولولي انت ازاي بقيت كده انت بقيت كدة ازاي يعني فهمني والاستغراب بقى في الموضوع اني بقالي شهر ونص بس بطبق كورس قوة الكلمة والتفكير يعني لسة ناتج طاظة اهه ههههههه
وانا مصور فيديو قبل اثناء اول الكورس وبقولكم انا في طب بشري يا ناس انا جبت 100% انا مش انا يا ناس ههههههه
بجد فرحااان جدااا بشكر حضرتك جدااا سبحان الذي اعطى لحضرتك هذا العلم وانا دلوقت بقيت ممتاااااز جدااا وانا دلوقت في 2 ثانوي ترم اول وباقي حوالي 10 ايام على الامتحانات وانا دلوقت منظم جدااا وبراجع وربنا زادني كتييير جدااا وانا مستريح جدااا والله الموفق
بشكر حضرتك